A continuación o detalle das proxeccións extraordinarias, que vanse a desenvolver na Casa da cultura de Ourense (Rúa do Concello núm. 11) nos seguintes días e horarios:
.
venres 4 de novembro de 2022 * ás 20:30 h.
Julia y Fernando, una historia de vida
Luis Mancha (España, 2022) 84 min.
Homenaxe aos sociólogos Julia Varela e Fernando Álvarez-Uría.
A súa filosofía de vida está a rexerse por dous principios: non somos ninguén sen quen nos precedeu, quen nos acompaña na viaxe e quen ten que seguir o camiño; e é necesario facer sociedade: crear vínculos sociais que contribúan a cambiar o mundo.
(*) Previa reserva e dependendo da demanda, esta proxección pódese repetir o sábado e domingo (5 e 6 de novembro), co mesmo horario.
.
venres 11 de novembro de 2022 ás 20:30 h.
Ciudad de la Selva; Fuxidos e guerrilleiros nos montes de Casaio
Miguel Riaño (España, 2022) 66 min.
Cidade da Selva trasládanos a Casaio, unha pequena poboación galega na que a Guerra Civil Española alongouse ata o ano 1946. Este é o relato dun pobo cuxas feridas apenas empezamos a descubrir.
.
A recaudación íntegra, adícase ás Asociacións de memoria histórica en Ourense.
.
Dentro das actividades que organiza o CIMM arredor do #25N, con entrada de balde:
.
martes 15 de novembro de 2022 ás 20:30 h.
Alegría
Luis Otero (España, 2022) 80 min.
Un funesto 13 de novembro de 2002 produciuse o maior desastre ecolóxico da historia de Galicia. Unha terrible noite de temporal, o petroleiro monocasco Prestige sufriu unha vía de auga cando navegaba a 28 millas (52 km) do cabo Fisterra. As autoridades españolas comezaron un rocambolesco periplo remolcando o barco ata que se partiu en dous o día 19 de novembro.
Como consecuencia diso, chegaron ás nosas costas varias decenas de miles de toneladas de fuel oil (chapapote), que logo se estenderon por toda a costa cantábrica e o sur de Francia, producindo unha das maiores mareas negras da historia. As ondas de fuel e morte bateron contra os cantís da Costa da Morte, contra as Illas Cíes e Ons, contra praias de alto valor natural e paisaxístico.
Ante a incompetencia e a falta de medios de Xunta e Goberno, centos de mariñeiros lanzáronse a defender as rías, pescando coas súas redes e as súas propias mans o chapapote. A sociedade civil autoorganizada, as confrarías de pescadores, as mariscadoras, as asociacións, foron as que deron resposta á catástrofe diante da incomparecencia das autoridades.
Documental realizado para Ecoloxistas en acción no 20 aniversario da catástrofe.
.
xoves 17 de novembro de 2022 ás 20:30 h.
The Assistant
Kitty Green (EUA, 2019) 87 min.
Jane (Julia Garner) é unha recentemente graduada universitaria e aspirante a produtora de cinema que consegue un traballo aparentemente ideal como asistente dun poderoso executivo da industria do entretemento. O seu día é moi similar ao de calquera outro asistenta: preparar café, cambiar o papel na fotocopiadora, ordenar o xantar, organizar viaxes, recibir mensaxes telefónicas, etc. Pero a medida que Jane segue a súa rutina diaria, é cada vez máis conscientes do abuso que colorea insidiosamente cada aspecto da súa xornada laboral, unha acumulación de degradacións contra as cales Jane decide adoptar unha posición, quizais só para descubrir a verdadeira profundidade do sistema no que ela entrou.
“Magnífica película (…) en ‘The Assistant’ hai moitos tipos de violacións e a directora, con calculado respecto cara ás verdadeiras vítimas, deixa a peor parte á imaxinación do espectador.” (Elsa Fernández-Santos, El País)
.
xoves 24 de novembro de 2022 ás 20:30 h.
Las mujeres deciden
Xiana Lago (Ecuador, 2017) 59 min.
María é unha médica española que realiza unha investigación sobre embarazo adolescente e aborto clandestino nun hospital da Amazonía ecuatoriana. Alí coñece a Yanina, unha muller que decide abortar na clandestinidade e a Mishell, unha adolescente que foi abusada polo seu pai. A medida que avanza na súa investigación, María vai descubrindo que detrás dos embarazos non desexados, unha e outra vez escóndese a violencia sexual.
.
EXTRAcineclubepf 