Arquivos da categoría De balde

II edición do DocDoMes

Por segundo ano consecutivo, a oficina  cultural da Vicerreitoría do campus de Ourense da Universidade de Vigo, programa coa colaboración do Cineclube Padre Feijoo, unha programación de documentais do festival de documentais de Barcelona, os xoves, ás 19:30 horas (de balde) coas seguintes datas:

.

  • 30 de xaneiro de 2020

.

«Svideteli Putina» As testemuñas de Putin

· (Letonia-Suíza-República Checa, 2018) 102 min. [ND] VOSE

Imos ao último día de 1999, cando o ex líder do Servizo Federal de Seguridade (FSB), o primeiro ministro Vladimir Putin, subiu á presidencia de Rusia. Vitaly Mansky desenvolve a súa película con testemuños do acontecido nos anos posteriores a ese día de decembro.

Premios
2019: European Film Awards: nomeado a Mellor documental
2018: Karlovy Vary: Mellor documental

Ten todo para ser un dos documentais máis incendiarios destes anos … é unha aparencia íntima como poucos para a xestión política dese país
(Diego Lerer, MICROPSIACINE.COM)

.
  • 27 de febreiro de 2020

 

Chris, The Swiss

Chris, o suízo

Anja Kofmel (Suíza – Croacia – Alemaña – Finlandia, 2018) 90 min. [SC] VOSE

Pasaron máis de vinte anos desde que Chris, un xornalista suízo e curmán do director, morreu na guerra de Iugoslava en 1992. O feito aínda estraña á directora, Anja, que descubriu que cando atoparon o corpo, Chris levaba o uniforme dun grupo mercenario internacional. Tentando descubrir que pasou co seu curmán e cal foi o seu papel no conflito armado, Anja decide viaxar a Croacia para contar a súa historia.

Premios

2018; Semana da Crítica – Festival de Cannes

2018; Festival de Cine de Locarno

2018; Festival de Cine de Sevilla

“As súas animacións son especialmente adorables” (Jessica Kiang, Variety)

 

.

  • 26 de marzo de 220

 

Cachada: The Opportunity

Cachada

Marlén Viñayo (O Salvador, 2019) 82 min. [SC] VO

Magaly, Wendy, Magda, Ruth e Chileno gañan a vida como todas as mulleres das súas familias fixeron durante xeracións: vendendo nas rúas e mercados de San Salvador. Porén, decidiron emprender, xunto coa actriz e directora Egly Larreynaga, unha aventura moi inusual: formar unha compañía de teatro e escenificar as súas crueis historias de vida. O que comezou como un experimento converteuse na posibilidade de cambiar as súas vidas, pero serán quende afrontar o seu pasado e superar os seus medos, traumas e segredos?

 

.

  • 30 de abril de 2020

.

 

  • 28 de maio de 2020

.

 

  • 11 de xuño de 2020

.

 

 

V Ciclo de cine do Colexio de médicos de Ourense

Coa colaboración da Biblioteca pública e do cineclube, o Iltre. Colexio de médicos de Ourense organiza o 5º ciclo de cine, que vaise a desenvolver entre febreiro e xuño de 2019, ás 19:30 horas no salón de actos da Biblioteca pública (Rúa Concello,11), cunha pequena introducción antes de cada filme e o posterior debate, co seguinte programa:

Neste ocasión, todas as sesións son de balde. (VOS)

CICLO CINE COLEXIO DE MEDICOS DE OURENSE (5)

.

.

 

  • Martes, 12 de febreiro de 2019

JUNO
Jason Reitman (EUA, 2007) 92 min. #VOSE

Juno-Jason-Reirman-Ourense

Juno Macguff (Ellen Page) ten 16 anos e é, segundo os adultos, máis intelixente do que lle convén. É enxeñosa, culta, observadora e, sobre todo, sarcástica. Ese sarcasmo non é máis que unha coraza para ocultar os seus medos e dúbidas. A raíz da relación cun compañeiro de clase (Michael Cera) quédase embarazada. E, como el se desentende do problema, Juno toma unha decisión que conta coa aprobación da súa familia: terá o neno e darao en adopción. Despois haberá que atopar uns pais adoptivos adecuados. Mark (Jason Bateman) e Vanessa (Jennifer Garner) parecen os pais ideais. Pero resulta que Mark e Juno comparten demasiadas afeccións e parecen entenderse moi ben desde o principio.

Premios
2007: Oscar: Mellor guión orixinal. 4 nominacións
2007: 3 nominacións ao Globo de Ouro, incluíndo mellor película comedia ou musical
2007: Premios BAFTA: Mellor guión orixinal. Nomeada a mellor actriz (Ellen Page)

“Comedia agridoce, brillante e inesperada con desenvolvemento cristalino e nada tramposo. Non hai en ‘Juno’ unha proposta transgresora, pero si toda unha lección de autenticidade no discurso.”

(Jordi Costa, El País)

.

 

  • Martes, 26 de febreiro de 2019

 

A Dangerous Method
Un método perigoso
David Cronenberg (Reino Unido, 2011) 93 min. #VOSE

un-metodo-perigoso-ourense

Unha poderosa historia de descubrimento sexual e intelectual baseada en acontecementos reais a partir da turbulenta relación entre o novo psiquiatra Carl Jung (Michael Fassbender), o seu mentor Sigmund Freud (Viggo Mortensen) e Sabina Spielrein (Keira Knightley). A este trío engádese Otto Gross (Vincent Cassel), un paciente libertino decidido a traspasar todos os límites.

Premios
2011: Globos de Ouro: Nomeada a Mellor actor secundario (Viggo Mortensen)
2011: Festival de Venecia: Sección oficial
2011: Festival de Toronto: Sección oficial

“Sacudíndose calquera remanente poeira das obras de época, a película aborda espiñentos asuntos psico-sexuais e problemas de ética profesional cunha franqueza que resulta completamente contemporánea”
(Todd McCarthy, The Hollywood Reporter)

.

 

  • Martes, 9 de abril de 2019

 

Side Effects
EFECTOS SECUNDARIOS
Steven Soderbergh (EUA, 2013) 105 min. #VOSE

Side-Effects-Efectos-secundarios-Ourense

Ambientada no mundo da psicofarmacoloxía, ciencia que estuda como afectan as drogas á mente humana. Emily (Rooney Mara) é unha moza que se volve adicta a un novo medicamento que lle receita o seu psiquiatra (Jude Law) para que poida controlar a súa ansiedade ante a inminente saída do cárcere do seu marido (Channing Tatum).

Premios
2013: Festival de Berlín: Sección oficial

“A atmosfera cargada (…) xunto ao mosqueo entre a verdade e o tampantollo que recubre a historia deixan a «Efectos secundarios» nese estante das películas que che obrigan primeiro a rascarche a cabeza e logo a rascarche o peto para, gustosamente, volvela a ver”
(Oti Rodríguez Marchante, ABC)

.

  • Martes, 30 de abril de 2019

 

The Elephant Man
O HOME ELEFANTE
David Lynch (EUA, 1980) 125 min. #VOSE

o-home-elefante-ourense

A finais do século XIX, o doutor Frederick Treves descobre nun circo a un home chamado John Merrick. Trátase dun cidadán británico coa cabeza monstruosamente deformada, que vive nunha situación de constante humillación e sufrimento ao ser exhibido diariamente como unha atracción de feira.

Premios
1981: Premios César: Mellor película estranxeira
1980: 8 nominacións ao Oscar, incluíndo película e director
1980: Globos de Ouro: 4 nominacións, incluíndo mellor película – Drama
1980: Premios BAFTA: Mellor película, actor (Hurt) e deseño de produción. 7 nominacións

“Un estudo da xentileza que dalgún xeito suprime a rabia. Esa é a calidade que ilumina ao filme e faio moito máis fascinante que si fose un retrato que dignifica a un monstro.”
(Vincent Canby,The New York Times)

.

 

Martes, 28 de maio de 2019

 

A fille de Brest
A DOUTORA DE BREST
Emmanuelle Bercot (Francia, 2016) 128 min. #VOSE

la-doctora-de-Brest-ourense

Narra a historia real da doutora Irène Frachon (Sidse Babett Knudsen), a muller que en 2010 atreveuse a plantarlle cara á industria sanitaria e farmacéutica francesa, cando se destapou o escándalo mediático en torno á comercialización dun controvertido medicamento cuxos efectos secundarios provocaron a morte de centos de persoas.

Premios
2016: Premios César: Nomeada Mellor actriz (Sidse Babett Knudsen) e guión adaptado
2016: Festival de San Sebastián: Sección oficial a competición

“Si (…) resulta por momentos tan absorbente é nin máis nin menos que por ese limitado pudor á hora de manexar case calquera recurso dramático ou audiovisual (…) Emociónache queiras ou non, (…); che espabila (e che conciencia).”
(Antonio Trashorras, Fotogramas)

..

  • Martes,  4 de xuño de 2019

 

Days of Wine and Roses
DÍAS DE VIÑO E ROSAS
Blake Edwards (EUA, 1962) 117 min. #VOSE

dias-de-viño-e-rosas-ourense

Joe Clay, xefe de relacións públicas dunha empresa de San Francisco, coñece durante unha festa á bela Kirsten Arnesen. A rapariga móstrase cautelosa ao principio, debido á afección de Joe á bebida, pero despois sucumbe ante a súa simpatía e cásase con el.

Premios
1962: Oscar: Mellor canción. 5 nominacións
1962: 4 nominacións Globos de Ouro: Película drama, director, actor, actriz
1963: Premios BAFTA: 3 nominacións incluíndo a actor estranxeiro (Lemmon)
1963: Festival de San Sebastián: Mellor actor (Lemmon) e actriz (Remick)

“Do frenesí ao inferno. Sen volta. Edwards arrinca a Lemmon e Remick dúas interpretacións ebrias de puro xenio. Ademais, a música de Mancini”
(Luís Martínez, El País)

..

Información sobre o ciclo,(en Pdf) na páxina do colexio. / Outros filmes sobre mediciña, aqui.

.

.