Organizamos para a Concellería de sanidade do Concello de Ourense, un programa para o periodo que vai de marzo a maio, de cine, englobado nas actividades alternativas para a mocidade “OciOurense“.
Será na Biblioteca pública de Ourense, cada dous sábados de mes, en sesión gratuíta e nun único pase ás 18 horas.
A programación na que colabora o cineclube, sigue a continuación.
- 14 marzo 2015
DEIXADE DE QUERERME
(2008, 85 min., Francia)
Director: Jean Becker
2008: Premios César: 3 Nominacións
Antoine, 42 anos, publicista, é un home de éxito. Está casado con Cécile, é pai de dous fillos, vive nunha bonita casa non lonxe de París e ten moi boas relacións cos veciños. Un bo día explota na oficina, empeza a destruír sistematicamente todo o que construíu durante anos, e formúlase de novo a súa vida.
- 28 marzo 2015
BRUTOS FEOS E MALOS
(1976, 115 min., Italia)
Director: Ettore Scola
1976: Premio Festival de Cannes: Mellor director
Giacinto e catro xeracións máis da súa familia conviven nunha mesma choupana, aos arredores de Roma. O egoísmo de todos os membros da familia define as relacións entre eles, que se encontran inmersos nunha serie de disputas polo diñeiro que custodia coidadosamente o forrón e miserable Giacinto.
- 11-abril 2015
COME, DURME E MORRE
(2012, Suecia)
Director: Gabriela Pichler
2012: 4 Premios Guldbagge: Mellor película, directora, guión e actriz
Festival de Sevilla: Mellor película e actriz (Lukac)
2013: Premios de Cine Europa: Nominada ao Premio Discovery
Rasa é unha moza corpulenta, deslinguada, alegre con grande enerxía que vive e traballa en Suecia. As dificultades e os recortes provocados pola crise económica fixeron que perda o seu traballo nunha fábrica. Pero ela trata de facer fronte ás adversidades, non se asusta. Con resistencia e decisión esmaga os obstáculos antes de que a esmaguen a ela.
- 25 abril 2015
MUNDO PEQUENO
(2012, 83 min., España)
Director: Marcel Barrena
2013: Premios Goya: Nominada a Mellor documental
Premio Gaudí: Mellor documental
Premio Joven: Festival Internacional de Zagreb (Croacia)
Premio Mellor documental en el BIFF de Colorado (Os Angeles, EEUU)
Premio do Público no Dokfilm de Noruega
Mención Especial do Xurado do Fic-Cat
Premio Solidarios ONCE
20 seleccións de Festivais Internacionais
Albert e Anna non teñen diñeiro; ademais el está prostrado nunha cadeira de rodas. A pesar de todo, propuxéronse viaxar dende Barcelona ata Nova Zelandia
- 9 maio 2015
CRAZY
(2005, 127 min., Canadá)
Director: Jean-Marc Vallée
2005; Festival de Toronto: Mellor película canadiense
Festival de Gijon: Mellor director, guión e dirección artística
Premios Genie: Mellor película canadiense
Zach é o cuarto de cinco irmáns dunha familia tranquila cunha nai afectuosa e un pai orgulloso dos seus rapaces. Na adolescencia descobre que é diferente aos demais e renegará diso para non perder o amor do seu pai. Vive rodeado dos seus irmáns, de Pink Floyd e os Rolling Stones, os porros fumados ás agachadas, as grandes e pequenas discusións. Pero, sobre todo, o que Zac busca é poder manter a relación co seu pai.
- 23 maio 2015
UN DOS NOSOS
(1990, 146 min., EEUU)
Director: Martin Scorsese
1990 Oscar: Mellor actor secundario (Joe Pesci). 6 nominacións
Globos de Oro: 5 nominacións
5 Premios BAFTA, incluíndo Mellor película e director:7 nominacións
National Board of Review: Mellor Actor Sec. (Joe Pesci), 10 Mellores películas
Festival de Venecia: León de Plata (Mellor director)
E moitos mais
Película baseada na vida real de Henry Hill e que narra a incursión na mafia dun mozo criado en Brooklyn. Henry, un neno de trece anos de Brooklyn, vive fascinado co mundo dos gángsters. O seu sono faise realidade cando entra a formar parte da familia Pauline, dona absoluta da zona, que o educan como un membro máis da banda converténdoo nun destacado mafioso.
—————————————————–
Prégase puntualidade e apagar o móbil na sala
AQUI, +Info. OciOurense / Folleto (PDF)
EXTRAcineclubepf 